Paytaxtda beş yaşlı uşağı maşın vurub

Bakı. 4 may. REPORT.AZ/ Bakının Suraxanı rayonunda uşağı maşın vurub.

“Report” xəbər verir ki, hadisə 2013-cü il təvəllüdlü Babayev Tüncay Səlahəddin oğlu Hövsan qəsəbəsində yolu keçmək istəyən zaman baş verib.

Hadisəni minik avtomobilinin sürücüsü törədib. Yaralı xəstəxanaya yerləşdirilib.

Faktla bağlı Suraxanı Rayon Polis İdarəsində araşdırma aparılır.