Yuxarı

Ötən il Ədliyyə Nazirliyi İcra baş idarəsinin 10 əməkdaşı işdən azad edilib

Ötən il Ədliyyə Nazirliyi İcra baş idarəsinin 10 əməkdaşı işdən azad edilib
Ümumilikdə, 31 əməkdaş fəaliyyətində yol verdiyi ciddi qanun pozuntularına görə intizam məsuliyyətinə cəlb olunub
© Report

Bakı. 22 yanvar. REPORT.AZ/ Ötən il Ədliyyə Nazirliyi İcra baş idarəsinin 31 əməkdaşı fəaliyyətində yol verdiyi ciddi qanun pozuntularına görə intizam məsuliyyətinə cəlb olunub, o cümlədən 5 nəfərin ədliyyə orqanlarında qulluğuna xitam verilib, 10 nəfər isə tutduğu vəzifədən azad edilib. 

"Report"un məlumatına görə, bu barədə Ədliyyə Nazirliyində 2017-ci ildə məhkəmə və digər orqanların qərarlarının icrası sahəsində görülmüş işlərin və qarşıda duran vəzifələrin müzakirəsinə həsr olunmuş icra xidmətinin bütün yerli qurumlarının, habelə Nazirliyin müvafiq idarələrinin rəhbərlərinin iştirakı ilə keçirilən müşavirədə bildirilib. 

Müşavirədə həmçinin nöqsan və çatışmazlıqlar da qeyd olunub, bəzi icra məmurları tərəfindən vəzifə borclarına laqeyd münasibət bəslənilməsi, icra intizamının, etik davranış qaydalarının pozulması, işlərin hərəkətsiz saxlanılması, icradan qərəzli şəkildə boyun qaçıran şəxslərin vaxtında inzibati məsuliyyətə cəlb olunmaması və digər neqativ hallar diqqətə çatdırılaraq onların aradan qaldırılması tələb edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi