Ötən il 7 nəfər prokurorluq orqanlarından xaric edilib, 37 əməkdaş intizam məsuliyyətinə cəlb olunub

Ötən il 7 nəfər prokurorluq orqanlarından xaric edilib, 37 əməkdaş intizam məsuliyyətinə cəlb olunub Zakir Qaralov prokurorlardan möhkəm nizam-intizam yaradılması məsələlərində prinsipiallığın daha da artırılmasını tələb edib
Hadisə
5 Fevral , 2016 18:35
Ötən il 7 nəfər prokurorluq orqanlarından xaric edilib, 37 əməkdaş intizam məsuliyyətinə cəlb olunub

Bakı. 5 fevral. REPORT.AZ/ Prokurorluq orqanları üzrə xidməti, icra və əmək intizamının pozuntusu hallarına və digər xətalara yol verdiklərinə görə 37 əməkdaş intizam məsuliyyətinə cəlb edilib, o cümlədən 7 nəfər prokurorluq orqanlarından xaric olunub.

"Report" xəbər verir ki, bunu fevralın 5-də Baş Prokurorluğunda Mərkəzi aparatın, Respublika Hərbi, Naxçıvan Muxtar Respublikası, Naxçıvan Muxtar Respublikası Hərbi və Bakı şəhər prokurorluqlarının rəhbər heyətinin, rayon (şəhər) və ərazi hərbi prokurorlarının iştirakı ilə prokurorluq orqanları tərəfindən 2015-ci ildə görülən işlərin vəziyyəti və qarşıda duran vəzifələrin müzakirəsinə həsr olunan geniş kollegiya iclasıında baş prokuror Zakir Qaralov deyib. 

Z.Qaralov bildirib ki, prokurorluq orqanlarında xidməti, icra və əmək intizamının daha da möhkəmləndirilməsi istiqamətində ciddi tədbirlərin görülməsi, bütün struktur qurumlarda möhkəm nizam-intizam şəraitinin yaradılması, aşkar olunan hər hansı nöqsan və çatışmazlıqlara qarşı prinsipiallıq mövqeyindən yanaşılmaqla müvafiq nəticələrin çıxarılması 2015-ci ildə də əsas vəzifələrdən biri kimi diqqət mərkəzində saxlanılıb.

O, Baş Prokurorluğun əlaqədar struktur qurumları və bütün tabe prokurorlardan möhkəm nizam-intizam yaradılması məsələlərində prinsipiallığın daha da artırılmasını tələb edib.

Son xəbərlər

Orphus sistemi