Yuxarı
    Bağlamaq

    Ötən gün paytaxtda 3 nəfəri avtomobil vurub

    Hər üç şəxs 3 saylı Kliniki Tibbi Mərkəzə yerləşdirilib© Courtesy İmage

    Bakı. 7 avqust. REPORT.AZ/ Ötən gün paytaxtda 3 nəfəri avtomobil vurub.

    "Report"un xəbərinə görə, hadisə Suraxanı, Nizami və Sabunçu rayonlarında qeydə alınıb.

    Belə ki, Hövsan qəsəbəsində yolu keçmək istəyən 1966-ci il təvəllüdlü Ələkbərov Canpolad Baba oğlunu avtomobil vurub. O, müxtəlif bədən xəsarətləri alıb.

    İkinci hadisə "8-ci kilometr bazarı"nın qarşısında baş verib. Avtobus dayanacağında dayanan 1963-cü il təvəllüdlü Etibarova İnar Sədrəddin qızını minik avtomobili vurub. O, ağır xəsarət alıb.

    Digər yol-nəqliyyat hadisəsi isə Bilgəh qəsəbəsində qeydə alınıb.

    1991-ci il təvəllüdlü Əliyev Tural Əli oğlu çimərlik ərazisindən çıxaraq çörək almağa gedərkən onu minik avtomobili vurub. T.Əliyev kəllə beyin travması alıb. Hər üç şəxs 3 saylı Kliniki Tibbi Mərkəzə yerləşdirilib.

    Baş verən hadisələrlə bağlı hüquq-mühafizə orqanlarında araşdırma başlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi