Yuxarı
    Bağlamaq

    Ötən ay Azərbaycan ərazisində 125 ədəd mina və PHS aşkar edilərək zərərsizləşdirilib

    Noyabr ayı ərzində mina/PHS hadisəsi qeydə alınmayıb

    Bakı. 3 dekabr. REPORT.AZ/ Ötən ay Azərbaycan ərazisində 5,032,184 kvadrat metr ərazi yoxlanılıb, mina və partlamamış hərbi sursatdan (PHS) təmizlənib. 

    ANAMA-dan "Report"a verilən xəbərə görə, noyabrda ölkə ərazisində 125 ədəd mina və PHS aşkar edilərək zərərsizləşdirilib.

    Məlumata görə, əməliyyatlarda 488 nəfər minaaxtaran mütəxəssis və 112 nəfər yardımçı heyət iştirak edib. Həmçinin əməliyyatlara 6 mexaniki minatəmizləmə maşını və 36 minaaxtaran it cəlb olunub. 

    Qurumdan bildirilib ki, indiyədək cəmi 314,455,648 kvadrat metr ərazi təmizlənib. Tapılıb zərərsizləşdirilmiş mina və PHS-lərin sayı 713,895-dir.

    Agentlik tərəfindən təmizləmə əməliyyatları Ağcabədi, Ağstafa, Beyləqan, Füzuli, Gəncə, Göygöl, Xocavənd, Qazax, Abşeron, Samux və Tərtər rayonlarında davam etdirilir.

    2015-ci ilin noyabr ayı ərzində mina/PHS hadisəsi qeydə alınmayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi