Ötən 4 ay ərzində 4002 cinayət işi məhkəmələrə göndərilib

2021-ci ilin yanvar-aprel ayları ərzində respublika ərazisində fəaliyyət göstərən istintaq qurumları tərəfindən istintaqı yekunlaşdırılaraq məhkəmələrə göndərilən cinayət işlərinin sayı açıqlanıb.

Baş Prokurorluğun Mətbuat xidmətindən "Report"a bildirilib ki, ötən 4 ay ərzində respublika ərazisində fəaliyyət göstərən istintaq qurumları tərəfindən istintaqı yekunlaşdırılan 4 002 cinayət işi üzrə ittiham aktı ibtidai araşdırmaya prosessual rəhbərliyi həyata keçirən prokuror tərəfindən təsdiq olunaraq baxılması üçün aidiyyəti üzrə müvafiq məhkəmələrə göndərilib.