Yuxarı

Orenburqda Azərbaycan vətəndaşına hökm oxunub

Muradxan Cəlilov mübahisə zamanı Altan Göngörü ölümcül yaralayıb

Bakı. 21 iyul. REPORT.AZ/ Orenburq rayon məhkəməsində 23 yaşlı Azərbaycan vətəndaşı Muradxan Cəlilov barəsində hökm oxunub.

"Report" Rusiya KİV-inə istinadən xəbər verir ki, M.Cəlilov türkiyəli mühəndis Altana Göngörün qətlində təqsirkar bilinib.

Şübhəli şəxs Həştərxanda saxlanılıb və Orenburqa göndərilib. Dindirmə zamanı M.Cəlilov cinayəti etiraf edib və hadisənin baş verdiyi yeri göstərib.

Qeyd edək ki, iki nəfər arasında yaranmış mübahisə nəticəsində M.Cəlilov A.Güngörə çoxsaylı bıçaq zərbələri endirib. Bundan sonra Azərbaycan vətəndaşı meyiti basdıraraq hadisə yerindən, ümumiyyətlə, Orenburq vilayətindən uzaqlaşıb.

Məhkəmənin hökmünə əsasən, M.Cəlilov cəzasını ciddi rejimli islah müəssisəsində çəkməklə 9 il 10 ay müddətinə azadlıqdan məhrum edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi