Yuxarı

​Ölkə ərazisində üç minik avtomobili yanıb

Hadisənin biri paytaxtda, digərləri bölgələrdə baş verib

Bakı. 23 may. REPORT.AZ/ Bu gün paytaxtda və respublikanın bölgələrində vətəndaşlara məxsus minik avtomobillərində yanğın hadisələri baş verib.

“Report” xəbər verir ki, birinci hadisə Bakının Nərimanov rayonunda qeydə alınıb.

Vətəndaşa məxsus “Mercedes” markalı minik avtomobilinin yanar hissələri yanıb. Yaxınlıqdakı qaraj yanğından mühafizə olunub.

Digər hadisə Qazax rayonunun Daş Salahlı kəndində baş verib. Vətəndaşa məxsus “VAZ” markalı minik avtomobilinin yanar hissələri yanıb. Yaxınlıqdakı elektrik dirəyi yanğından mühafizə olunub.

Daha bir hadisə isə Ucar rayonunun Yuxarı Şilyan kəndində vətəndaşa məxsus talvarın yanar konstruksiyaları, altına yığılmış 4,5 ton ot bağlamasının 2 tonu və “OPEL” markalı minik avtomobilinin arxa hissəsinin yanması ilə nəticələnib.

Talvarın, ot bağlamasının və avtomobilin qalan hissələri yanğından mühafizə olunub.

Bütün hallarda yanğınlar yanğınsöndürənlər tərəfindən söndürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi