Yuxarı

​Oğuzda 500 metr yüksəklikdən yıxılan gəncin meyiti tapılıb

Hadisə Filfilli kəndi ərazisində baş verib

Oğuz. 13 avqust. REPORT.AZ/ Bu gün günorta saatlarında Oğuz rayonunun Filfilli kəndi yaxınlığında Böyük Qafqaz sıra dağlarının qayalıq ərazisindən aşağı yıxılan gəncin meyiti tapılıb.

"Report”un Şimal-Qərb bürosunun məlumatına görə, 1988-ci il təvəllüdlü kənd sakini Sərxan Sərdar oğlu Seyidəliyev, hələlik bilinməyən səbəblərdən 500 metr yüksəklikdən aşağı düşüb.

Hadisə yerinə cəlb olunan Oğuz rayon hüquq-mühafizə orqanlarının əməkdaşları və Fövqəladə Hallar Nazirliyinin xilasediciləri gəncin meyitini taparaq aidiyyəti üzrə təhvil veriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi