Oğuzda 50 yaşlı qadın baş nahiyəsindən ağır xəsarət alıb

Oğuz. 26 fevral. REPORT.AZ/ Oğuz rayonunda 50 yaşlı qadın ağır xəsarət alıb.

"Report"un Şimal-qərb bürosunun məlumatına görə, rayon sakini, 1969-cu il təvəllüdlü Yeganə Kamil qızı Əhmədova ağır vəziyyətdə Oğuz Rayon Mərkəzi Xəstəxanasına çatdırlıb.

 Y.Əhmədovaya kəllə-beyin travması diaqnozu qoyulub və vəziyyəti ağır olduğu üçün xəstəxananın Reanimasiya şöbəsinə yerləşdirilib.

Onun hansı şəraitdə yıxılması hələlik məlum deyil.

Faktla bağlı araşdırmalara başlanılıb.