Yuxarı

Oğurluq etməkdə təqsirləndirilən gəncə hökm oxunub

Samir Gəraylı 3 il müddətinə azadlıqdan məhrum edilib

Bakı. 3 mart. REPORT.AZ/ Bu gün Bakı Ağır Cinayətlər Məhkəməsində oğurluqda təqsirləndirilən 1992-ci il təvəlüdlü Samir Gəraylının cinayət işi üzrə məhkəməsi başa çatıb.

"Report"un məlumatına görə, hakim Rasim Sadıqovun sədrliyi ilə keçirilən prosesdə hökm oxunub.

Məhkəmənin hökmü ilə S.Gəraylı 3 il müddətinə azadlıqdan məhrum edilib.

Qeyd edək ki, S.Gəraylı 7 min manat oğurlamaqda ittiham edilib. O, Cinayət Məcəlləsinin 177-ci (oğurluq ) maddəsi ilə ittiham edilib.

Məhkəmə istintaqı dövründə zərərçəkənə dəymiş ziyan ödənilib.

Xatırladaq ki, S.Gəraylı Şuşa rayonu uğrunda döyüşlərində şəhid olan Sabir Rüstəmovun oğludur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi