Oğurluğa görə tutulmuş şəxsin evdən 10 min manatlıq qızıl oğurladığı məlum olub

Bakı. 24 aprel. REPORT.AZ/ Bakıda oğurluğa görə tutulmuş şəxsin başqa bir cinayət törətdiyi də məlum olub.

DİN-in mətbuat xidmətindən “Report”a bildirilib ki, oğurluq etdiyinə görə tutulmuş Ramiz Bayramovun ətrafında Binəqədi Rayon Polis İdarəsinin 6-cı Polis Bölməsi əməkdaşları tərəfindən aparılmış əməliyyat tədbirləri ilə onun martın 10-da rayon ərazisindəki evlərin birindən 10.000 manat dəyərində qızıl əşyalar oğurlaması da müəyyən edilib.