Nizami rayonunda mənzildə meyit tapılıb

Bakı. 5 may. REPORT.AZ/ Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Nizami rayonunda bir nəfər mənzildə köməksiz vəziyyətdə qalıb.

FHN-dən “Report”a bildirlib ki, hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri giriş qapısını açıb və orada aşkarlanan 1938-ci il təvəllüdlü Zülfüqarov Mikayıl Məhərrəm oğlunun cəsədini aidiyyəti üzrə təhvil veriblər.

Faktla bağlı araşdırma aparılır.