Yuxarı

Nizami rayonunda 22 yaşlı oğlan qətl törədib

Yaralı xəstəxanaya çatdırılsa da, onun həyatını xilas etmək mümkün olmayıb

Bakı.10 sentyabr. REPORT.AZ/ Bakının Nizami rayonunda qətl hadisəsi törədilib. Bakı şəhər Baş Polis İdarəsindən Report-a verilən məlumata görə, hadisə sentyabrın 9-da saat 16:30 radələrində Bəhruz Nuriyev küçəsində qeydə alınıb. Hadisə zamanı Bakı şəhər sakini Cəfər Teymurov naməlum şəxs tərəfindən bıçaqlanıb. Yaralı aldığı xəsarətdən sonra xəstəxanaya çatdırılsa da, onun həyatını xilas etmək mümkün olmayıb. Nizami Rayon Polis İdarəsi (RPİ) 24-cü Polis Bölməsi əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən 22 yaşlı Şahnamiq Hüseynov saxlanılaraq istintaqa təqdim olunub.

Faktla bağlı cinayət işi başlanıb, araşdırmalar davam edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi