Yuxarı

"Neftqaztikinti" Trestinin 4 saylı Tikinti Quraşdırma bölümündə istehsalat qəzası baş verib

5-ci dərəcəli quraşdırıcı (briqadir) Namik Məmmədov kranla birgə dənizə düşərək suda boğulub

Bakı. 27 iyul. REPORT.AZ/ İyulun 26-da saat 18:00 radələrində "Palçıq pilpiləsi" yatağında 1043-1284 nömrəli meydançalararası estakadanın təmiri zamanı ekskavator-kranla dirək borusu (svay) qaldırılarkən tarazlığın pozulması nəticəsində kran aşaraq dənizə düşüb və 5-ci dərəcəli quraşdırıcı (briqadir) Namik Məmmədov da kranla birgə dənizə düşərək suda boğulub.

"Report" bu barədə Azərbaycan Dövlət Neft Şirkətinə (SOCAR) istinadən xəbər verir.

Məlumata görə, onun meyiti dalğıclar tərəfindən dənizdən çıxarılıb, lazımi prosedurlar aparılıb. "Hadisənin baş vermə səbəbləri yaradılmış komissiya tərəfindən araşdırılır. Əlavə məlumat veriləcək", - deyə SOCAR-dan bildirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi