Yuxarı
    Bağlamaq

    İtkin düşən neftçilərin axtarışına təyyarə cəlb olunub

    Pirallahı ətrafında sahilboyu vizual axtarışlara başlanılıb

    Bakı. 11 dekabr. REPORT.AZ/ Azərbaycan Dövlət Neft Şirkətinin (SOCAR) "Günəşli" yatağındakı 10 saylı dərin dəniz özülündə baş vermiş qəzada itkin düşən 23 nəfərin və "Neft daşları" yatağında itkin düşən 3 nəfərin axtarışı davam etdirilir.

    "Azneft" İstehsalat Birliyindən "Report"a verilən məlumata görə, bu gün axtarışların miqyası daha da genişləndirilib.

    Hazırda Fövqəladə Hallar Nazirliyinin (FHN) “Vixr-5” və “Vixr-8” tipli 2 gəmisi, 4 helikopteri və bir "B-200ÇS” təyyarəsi axtarışa cəlb olunub.

    Bundan əlavə, FHN-in Dövlət Sularda Xilasetmə Xidməti və Xüsusi Riskli Xilasetmə Xidmətinin qüvvələri sahilboyu müşahidə işləri aparır.

    Axtarışlara, həmçinin SOCAR-ın sifarişi ilə AZAL-ın 2 helikopteri cəlb olunub. Helikopterlərdən biri "Neft daşları" ərazisində, digəri isə "Günəşli" ərazisində axtarışlar aparır.

    Dövlət Sərhəd Xidmətinin (DSX) Sahil Mühafizəsinə aid 2 gəmi və 2 helikopter də axtarışa qoşulub.

    "Günəşli" yatağının 10 saylı dərin dəniz özülündəki 4 qaz quyusundakı yanğın davam edir. Hazırda yanğının söndürülməsi ilə 5 gəmi məşğuldur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi