Neftçala rayonunda baş verən yol qəzasında xəsarət alan 3 nəfərin kimliyi məlum olub.
"Report"un Aran bürosunun məlumatına görə, bunlar rayon sakinləri - 1992-ci il təvəllüdlü Mustafayev Məmmədhüseyn, 1995-ci ildə anadan olmuş Məmmədov Pərviz Şahin oğlu, 1973-cü il təvəllüdlü Mirzəyev Vasif Mürsabir oğludur.
Xəsarət alanlar Salyan Rayon Mərkəzi Xəstəxanasına yerləşdiriliblər.
Adları açıqlanmayan digər iki yaralı isə Neftçala xəstəxanasına aparılıb.
*** 11:38
Neftçala rayonunda yol qəzası baş verib.
"Report"un Aran bürosunun məlumatına görə, hadisə rayonun Aşağı Surra kəndi ərazisində qeydə alınıb.
İlkin məlumata görə iki "VAZ 2107" markalı avtomobilin toqquşması nəticəsində 5 nəfər xəsarət alıb. Xəsarət alanlar xəstəxanaya yerləşdiriliblər.
Faktla bağlı araşdırma aparılır.