Yuxarı
    Bağlamaq

    Neftçalada taksi şirkətinə aid avtomobil dərəyə aşıb, sürücü xəsarət alıb - FOTO

    Faktla bağlı Neftçala Rayon Polis Şöbəsində araşdırma aparılır

    Neftçala. 23 avqust. REPORT.AZ/ Neftçala rayonunda ağır yol-nəqliyyat hadisəsi baş verib.

    “Report”un Aran bürosu xəbər verir ki, hadisə bu gün günorta saatlarında Salyan-Neftçala avtomobil yolunun rayonun Kürqarabucaq kəndinin ərazisindən keçən hissəsində qeydə alınıb.

    Belə ki, Bakının Yasamal rayon sakini, 47 yaşlı Şahin Ramiz oğlu İsmayılov idarə etdiyi avtomobili dərəyə aşırıb.

    Nəticədə avtomobil yuvarlanaraq yoldan 50 metr aralıya düşüb. Hadisə zamanı sürücü müxtəlif dərəcəli bədən xəsarətləri alıb.

    Yaralı Neftçala Rayon Mərkəzi Xəstəxanasına çatdırılıb.

    Faktla bağlı Neftçala Rayon Polis Şöbəsində araşdırma aparılır.

    Qeyd edək ki, dərəyə aşan avtomobil “Ekonom taksi” şirkətinə məxsusdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi