Yuxarı

​Neftçalada ər arvadını döyərək ağır xəsarətlər yetirib

Xəstənin vəziyyəti orta ağır olaraq qalır

Bakı. 9 sentyabr. REPORT.AZ/ Neftçala rayonunun Qaçaqkənd kəndində ər arvadını döyərək ağır xəsarətlər yetirib. "Report" xəbər verir ki, həmin kəndin sakini, 1992-ci il təvəllüdlü Aytən İltifat qızı Səfərova ailə münaqişəsi zəminində əri tərəfindən döyülərək müxtəlif dərəcəli xəsarətlər alıb. Yaxınları tərəfindən Aytən Səfərova dərhal Salyan Rayon Mərkəzi Xəstəxanasına çatdırılıb. Kəllə-beyin tramvası və beyin silkələnməsi diaqnozu ilə o, travmatologiya şöbəsinə yerləşdirilib. Xəstəxanadan verilən məlumata görə, xəstənin vəziyyəti orta ağır olaraq qalır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi