Neftçalada baş verən ağır yol qəzasında yaralananlar Bakıya göndərilib

Neftçala rayonunda baş verən ağır yol qəzasında yaralanan şəxslər Bakıdakı xəstəxanaya köçürülüb. 

"Report"un Muğan bürosunun məlumatına görə, bunlar Yardımlı rayon sakinləri - 1998-ci il təvəllüdlü Əsgərzadə Çinarə Mehdi qızı və 1991-ci il təvəllüdlü Hümbətzadə Şiraz Mürsəl oğludur. 

Onların müalicəsinin Bakıdakı xəstəxanalardan birində davam etdirilməsinə qərar verilib.

Qeyd edək ki, hadisə yeni Ələt-Astara magistral yolunun 85-ci kilometrliyində baş verib. “Ford” markalı mikroavtobus qarşıda gedən "KamAZ” markalı yük maşınının arxa hissəsinə çırpılıb. Qəza zamanı 4 nəfər ölüb, daha 2 nəfər yaralanıb.