Naxçıvanda avtomobil piyadanı vuraraq öldürüb

Bakı. 3 sentyabr. REPORT.AZ/ Naxçıvanda avtomobil piyadanı vuraraq öldürüb. 

"Report" Daxili İşlər Nazirliyinə istinadən xəbər verir ki, hadisə Babək rayonun Nehrəm kəndi ərazisində qeydə alınıb.

Belə ki, sentyabrın 1-də Babək rayonunun Nehrəm kənd sakini Fazil Həsənov idarə etdiyi “ZİL” markalı avtomobillə yolu keçən həmkəndlisi Əfsanə Məmmədovanı vurub. Piyada xəstəxanaya aparılarkən yolda ölüb.

Babək rayon Polis Şöbəsi tərəfindən araşdırma aparılır.