"Nardaranlı Bala" ləqəbli avtoritetin dəstəsinin üzvü olan şəxs 18 ildən sonra tutulub

Bakı. 8 iyun. REPORT.AZ/ Azərbaycanda 18 ildir axtarışda olan şəxs tutulub. 

"Report"un məlumatına görə, 1971-ci il təvəllüdlü İlham Əliyev "Nardaranlı Bala" ləqəbi ilə tanınan kriminal avtoritet Balaqardaş Dadaşovun dəstəsinin üzvü olub. 

İlham Əliyev 2000-ci ildən Cinayət Məcəlləsinin adam oğurluğu maddəsi ilə axtarışa verilib. Amma o, istintqadan qaçaraq gizlənib. İ.Əliyev 18 ildən sonra saxlanılıb. 

Məlumata görə, həmin dəstə üzvləri Azərbaycanda adam oğurluğu ilə məşğul olub. Dəstə üzvlərinin bir qismi artıq cəzalarını çəkərək azadlığa çıxıb.