Nardaran sakininin həyətində torpağa basdırılmış silah-sursat tapılıb

Bakı. 26 sentyabr. REPORT.AZ/ Nardaran qəsəbəsi sakininin həyətində torpağa basdırılmış silah-sursat tapılıb. 

Bu barədə "Report"a Daxili İşlər Nazirliyindən məlumat verilib. 

Belə ki, Sabunçu rayon Polis idarəsinin 42-ci polis bölməsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Nardaran qəsəbə sakini Fəxrəddin Əlxasovun həyətindən torpağa basdırılmış, lüləsi və qundağı kəsilmiş “TOZ-8” markalı tüfəng aşkar olunaraq götürülüb.