Nardaran sakini tapdığı silahı könüllü olaraq polisə təhvil verib

Bakı. 6 iyun. REPORT.AZ/ Nardaran qəsəbəsinin sakini silahını könüllü olaraq polisə təhvil verib.

Daxili İşlər Nazirliyinin (DİN) mətbuat xidmətindən "Report"a verilən məlumata görə, aparılan profilaktiki tədbirlər nəticəsində Sabunçu rayonunun Nardaran qəsəbə sakini Ağaməli Ələsgərov tapdığı qundağı və lüləsi kəsilmiş “İJ” markalı ov tüfəngini könüllü olaraq 42-ci Polis Bölməsinə təhvil verib.

Faktla bağlı araşdırma aparılır.