Yuxarı

Moskvaya yağan güclü qar Azərbaycana gələn təyyarələrin uçuş cədvəlinə təsir göstərməyib

Rusiya paytaxtının hava limanlarında 50-dən çox reys təxirə salınıb

Bakı. 4 mart. REPORT.AZ/ Moskvaya yağan güclü qar Rusiya paytaxtının hava limanlarında 50-dən çox reysin təxirə salınmasına səbəb olub.

“Report” xəbər verir ki, bu barədə Moskva hava məkanının aviadispetçer xidmətləri məlumat yayıb.

Heydər Əliyev Beynəlxalq Aeroportundan "Report"a verilən məlumata görə, bu gün səhər saatlarından Moskva aeroportlarından Bakı, Lənkəran və Gəncə istiqamətində uçan təyyarə reyslərinin cədvəlində hələ ki, heç bir problem yaşanmayıb.

Rusiya paytaxtının aerodrom xidmətləri yüksək hazırlıq rejiminə keçiblər. Gecə ərzində hava limanlarında uçuş-eniş zolaqları, perronlar və yönəldici yolların qardan təmizlənməsi işləri davam etdirilib.

Bütün təyyarələrin şassiləri yola düşməzdən əvvəl buzbağlamaq əleyhinə maye ilə sürtülür. Bu prosedur 30 dəqiqə əlavə vaxt apardığından, relslərdə qısamüddətli gecikmələr yaradır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu bölməyə aid digər xəbərlər

Digər xəbərlər>

Xəbər lenti

Bütün xəbərlər


Orphus sistemi