Yuxarı

​Moskvada baş verən dava nəticəsində üç Azərbaycan vətəndaşı xəstəxanaya yerləşdirilib

Onların arasında bir həddi-buluğa çatmayan şəxs də var

Bakı. 1 iyul. REPORT.AZ/ Moskvanın Domodedovo ərazisində baş verən dava nəticəsində üç Azərbaycan vətəndaşı xəstəxanaya yerləşdirilib.

"Report" agentliyi "İnterfaks"a istinadən xəbər verir ki, Rusiya Daxili İşlər nazirliyi mətbuat mərkəzindən verilən məlumata əsasən, azərbaycanlılarla yanaşı, xəstəxanaya Özbəkistandan Moskvaya gələn bir nəfər də yerləşdirilib.

"Çərşənbə axşamı, gecə saat iki radələrində Moskva vilayəti Domodedovo rayonu Sonino kəndində yerli mağazanın yaxınlığında  təxminən on nəfərin iştirakı ilə dava baş verib. Bunun nəticəsində biri həddi-buluğa çatmayan şəxs olmaqla, üç Azərbaycan vətəndaşı və bir nəfər Özbəkistandan Moskvaya gələn şəxs xəstəxanaya yerləşdirilib", - mətbuat mərkəzindən bildirilib.

Əldə olunan məlumata görə, zərərçəkmişlər bildiriblər ki, onların beş-altı naməlum şəxslərlə mübahisələri düşüb. Sonradan bu mübahisə davaya çevrilib və naməlum şəxslər bıçağa əl atıblar. Hücum edən şəxslər hadisə yerindən qaçmağa müvəffəq olublar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi