Yuxarı

​Moskvada tərkibində 4 azərbaycanlının olduğu cinayətkar dəstənin üzvləri saxlanılıb

Onlar dekabrın əvvəlində Azərbaycandan olan iş adamına basqın etməkdə də şübhəli bilinirlər

Bakı. 22 dekabr. REPORT.AZ/ Moskva polisi sahibkara basqın etməyə təhrik edən cinayətkar qrupun üzvlərini tutub.

"Report" bu barədə "İnterfaks"a istinadən xəbər verir.

"Əməliyyat-axtarış nəticəsində Moskvanın cənub dairəsində sözügedən cinayəti törətməkdə şübhəli bilinənlər saxlanılıb. 22-48 yaş arasında olan bu qrupun 4 üzvü Azərbaycanda anadan olub. Həmin şəxslər barəsində qətiimkan tədbiri seçilib", - Rusiya Daxili İşlər Nazirliyi Cinayət-Axtarış Baş İdarəsinin məlumatında bildirilib.

Məlumatda qeyd olunub ki, onlar dekabrın əvvəlində Azərbaycandan olan bir iş adamına basqın edərək, həmin şəxsin 300 min rublunu almaqda da şübhəli bilinirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi