Mingəçevir. 27 mart. REPORT.AZ/ Mingəçevir şəhərində piyadanın vurulması ilə nəticələnən yol-nəqliyyat hadisəsi baş verib.
"Report”un Şirvan bürosu xəbər verir ki, şəhərin 20 Yanvar küçəsində piyadalar üçün müəyyən olunmamış yerdən kişini maşın vurub.
Belə ki, şəhər sakini, 1962-ci il təvəllüdlü Məmmədrahim Musa oğlu Abdıyev “Toyota” və “VAZ-2112” markalı maşınların arasında qalaraq əzilib. Ağır xəsarət alan yaralı dərhal xəstəxanaya çatdırılıb.
İlkin məlumata görə, yaralının ayağı sınıb, başından və bədəninin digər hissələrindən xəsarətlər alıb.
Faktla bağlı araşdırma aparılır.