Mingəçevirdə keçmiş məhkum heroinlə saxlanılıb

Mingəçevirdə keçmiş məhkum heroinlə saxlanılıb Mingəçevirdə dəfələrlə məhkumluq həyatı yaşayan şəxs yenə heroinlə saxlanılıb.
Hadisə
353
22 İyul , 2021 09:53
Mingəçevirdə keçmiş məhkum heroinlə saxlanılıb
Vüsal Mirzəyev

Mingəçevir şəhərində dəfələrlə məhkumluq həyatı yaşayan şəxs yenə heroinlə saxlanılıb.

DİN-in Mətbuat xidmətinin Şəki regional qrupundan "Report"a verilən məlumata görə, polis əməkdaşları tərəfindən narkotik vasitələrin qanunsuz dövriyyəsi ilə məşğul olan şəxs tutularaq məsuliyyətə cəlb edilib.

Keçirilən əməliyyat-axtarış tədbirləri nəticəsində üzərində narkotik vasitə daşımaqda şübhəli bilinən, əvvəllər Cinayət Məcəlləsinin müxtəlif maddələri ilə bir neçə dəfə məhkumluq həyatı yaşayan Mingəçevir şəhər sakini Vüsal Mirzəyev saxlanılıb. Şəxsi axtarış zamanı həmin şəxsdən heroin aşkarlanaraq maddi sübut kimi götürülüb.

Qeyd edək ki, narkotik vasitə aludəçisi olan V.Mirzəyev dəfələrlə yaşadığı ünvanda qonşuların və ailəsinin narahatlığına, həmçinin məişət səs-küyünün yaranmasına səbəb olan hərəkətlərə yol verib. Onun barəsində DİN-in “102” Zəng Mərkəzinə, eləcə də Şəhər Polis Şöbəsinə şikayət daxil olub.

Son xəbərlər

Orphus sistemi