Mingəçevirdə 34 yaşlı kişi naməlum şəraitdə ağır xəsarətlər alıb

Mingəçevir. 26 iyun. REPORT.AZ/ Mingəçevirdə 34 yaşlı kişi naməlum şəraitdə ağır xəsarətlər alıb.

"Report"un Şirvan bürosu xəbər verir ki, 1984-cü il təvəllüdlü Ağdam rayon sakini Məmmədov Elmin Lənkəran oğlu çoxsaylı xəsarətlərlə xəstəxanaya çatdırılıb.

Axşam saatlarına təsadüf edən hadisə öncə ağacdan yıxılma kimi təqdim olunsa da, bu, az inandırıcı hesab olunur. Bədənin müxtəlif nayihələrində çoxsaylı ağır xəsarətlərin mövcudluğu hadisənin döyülmə faktı ilə əlaqədar olduğunu söyləməyə əsas verir.

Faktla bağlı araşdırma aparılır.