Yuxarı
    Bağlamaq

    Meyiti tapılan neftçi dəfn edilib - FOTO

    Elçin Həsənov bu gün torpağa tapşırılıb© Report.az

    Salyan. 7 mart. REPORT.AZ/ “Azneft” İstehsalat Birliyinin Nəriman Nərimanov adına Neft-Qaz Çıxarma İdarəsinin 3 saylı Neft Yığım Məntəqəsinin mexaniki Elçin Həsənov Salyan şəhərində dəfn olunub.

    "Report"un Aran bürosunun verdiyi məlumata görə, Salyan şəhər sakini, 59 yaşlı Elçin Yaqub oğlu Həsənov bu gün torpağa tapşırılıb.

    Dəfn mərasimində SOCAR rəsmiləri, Salyan Rayon İcra Hakimiyyətinin nümayəndələri və mərhumun qohumları iştirak ediblər.

    Qeyd edək ki, ötən il dekabrın 15-də Xəzər dənizində 41 metr/saniyə sürəti ilə əsən güclü külək N.Nərimanov adına NQÇİ-nin 3 saylı Neft-Yığım Məntəqəsinin sağ və sol hissəsində yerləşən estakadanın uzunluğu təqribən 150 metr olan hissəsini dənizə uçurub. Nəticədə Neft-Yığım Məntəqəsinin növbədə olan 5 nəfər və yaşayış budkasında olan 5 nəfər (cəmi 10 nəfər) əməkdaşı itkin düşüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi