Metal sexində işləyən şəxs bədbəxt hadisə nəticəsində ölüb

Bakı. 21 noyabr. REPORT.AZ/ Metal sexində işləyən şəxs bədbəxt hadisə nəticəsində dünyasını dəyişib.

"Report"un Daxili İşlər Nazirliyinin (DİN) rəsmi saytına istinadən verdiyi məlumata görə, Bakı şəhər sakini Arif Orucov Abşeron rayonunun Saray qəsəbəsində işlədiyi metal sexində elektrik cərəyanı vurması nəticəsində ölüb.

Faktla bağlı araşdırma aparılır.