Məşhur tikinti şirkəti Vergilər Nazirliyinin 631 min manatlıq sanksiyasını ləğv etdirib

Bakı. 13 avqust. REPORT.AZ/ “Evro Stroy-S” MMC tikinti şirkəti Vergilər Nazirliyi yanında Bakı Vergilər Departamentini məhkəməyə verib. “Report”un xəbərinə görə, şirkət nazirliyin müfəttişinin 631 min manatlıq cərimə sanksiyasının ləğv olunmasını tələb edib.

Nazirliyin müfəttişi sanksiya sənədini 2014-cü il fevralın 19-da imzalayıb.

“Evro Stroy-S” MMC 1 saylı Bakı İnzibati-İqtisadi Məhkəməsinə müraciət edib. Məhkəmə şirkətin iddiasını təmin edib.