Paytaxtın Xəzər rayon Mərdəkan qəsəbəsində iki maşının toqquşması ilə nəticələnən yol qəzası baş verib.
"Report"un məlumatına görə, qəza zamanı 1975-ci il təvəllüdlü Əliquliyeva Rəfiqə Ağaqardaş qızı və 1989-cu il təvəllüdlü Abdullayeva Şəhla Nəsir qızı xəsarət alıblar.
Hər iki yaralı 3 saylı Sabunçu Şəhər Xəstəxanasına yerləşdirilib. Ş.Abdullayevaya qapalı kəllə-beyin travması, R.Əliquliyevaya isə başın yumşaq toxumalarının əzilməsi diaqnozu qoyulub. Hər iki yaralı ambulator müalicəyə buraxılıb.