Yuxarı
    Bağlamaq

    Məhkəmə qətldə təqsirləndirilən şəxsin apellyasiya şikayətini təmin etməyib

    Hökm qüvvədə saxlanılıb

    Bakı. 24 noyabr. REPORT.AZ/ Bu gün Bakı Apellyasiya Məhkəməsində qəsdən adam öldürməkdə təqsirləndirilən Rəsul Fazilovun barəsində olan hökmdən zərərçəkmiş şəxsin hüquqi nümayəndəsi tərəfindən verilən apellyasiya şikayəti üzrə məhkəmə prosesi başa çatıb.

    Bu barədə "Report"a vəkil Fariz Namazlı məlumat verib.

    Vəkilin sözlərinə görə, hakim Mirzəli Abbasovun sədrliyi ilə keçirilən prosesdə qərar elan olunub. Qərara əsasən, Bakı Hərbi Məhkəmənin çıxardığı hökm qüvvədə saxlanılıb, təqsirləndirilən şəxsin və zərərçəkmişin hüquqi varisinin apellyasiya şikayətləri təmin edilməyib.

    Qeyd edək ki, R.Fazilov hərbi xidmətdə olarkən posta girən bir nəfəri güllələməkdə təqsirli bilinib. O, Bakı Hərbi Məhkəməsinin hökmü ilə 12 il müddətinə azadlıqdan məhrum edilib. Hökmdən narazı qalan ölən şəxsin hüquqi nümayəndəsi apellyasiya şikayəti verərək cəzanın ağırlaşdırılmasını istəyib. R.Fazilov isə cəzasının yüngülləşdirilməsini tələn edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi