Yuxarı

Məhkəmə prokurorun apellyasiya protestini təmin etməyib

Hakim Rizvan Səfərovun sədrliyi ilə keçirilən prosesdə qərar elan olunub

Bakı. 6 oktyabr. REPORT.AZ/ Bakı Apellyasiya Məhkəməsində qanunsuz olaraq narkotik vasitələrin dövriyyəsində təqsirləndirilən Telman Şövkət oğlu Səfərəliyevin məntəqə tipli cəza çəkmə müəssisəsinə keçirilməsinə dair dövlət ittihamçısının verdiyi apellyasiya protesti üzrə məhkəmə prosesi başa çatıb.

“Report”un məlumatına görə, hakim Rizvan Səfərovun sədrliyi ilə keçirilən prosesdə qərar elan olunub.

Qərara əsasən, prokurorun apellyasiya protesti təmin edilməyib, birinci instansiya məhkəməsinin çıxardığı qərar dəyişdirilmədən saxlanılıb.

Qeyd edək ki, T.Səfərəliyev 234.4.1-ci (qanunsuz olaraq narkotik vasitələri, qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə), 234.4.2-ci ( təkrar törədildikdə) və 234.4.3-cü ( külli miqdarda törədildikdə) maddələri ilə ittiham olunub.

2014-cü ilin fevral ayında Bakı Ağır Cinayətlər Məhkəməsinin hökmü ilə T.Səfərəliyev 8 il müddətinə azadlıqdan məhrum edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi