Yuxarı
    Bağlamaq

    Məhkəmə ​Baş Prokurorluğun apellyasiya protestini təmin etməyib

    Birinci instansiya məhkəməsinin çıxardığı hökm dəyişdirilmədən saxlanılıb

    Bakı. 1 aprel. REPORT.AZ/ Bakı Apellyasiya Məhkəməsində yol-nəqliyyat hadisəsi yerindən qaçmaqda təqsirləndirilən Cəmaləddin Həsənov barəsindəki hökmdən Baş Prokurorluq tərəfindən verilmiş apellyasiya protesti üzrə məhkəmə başa çatıb.

    “Report”un məlumatına görə, hakim İlqar Murquzovun sədrliyi ilə keçirilən prosesdə qərar elan olunub.

    Qərara əsasən, birinci instansiya məhkəməsinin çıxardığı hökm dəyişdirilmədən saxlanılıb.

    Qeyd edək ki, yol-nəqliyyat hadisəsi 2015-ci ilin may ayında metronun “Koroğlu” stansiyasının yaxınlığında baş verib. C.Həsənov Cinayət Məcəlləsinin 264-cü (Yol-nəqliyyat hadisəsi yerindən qaçma) maddəsi ilə təqsirləndirilib.

    2016-cı ilin yanvar ayının 8-də Nizami Rayon Məhkəməsində hakim Elnur Nuriyevin sədrliyi ilə keçirilən prosesdə Cəmaləddin Həsənov barəsində bəraət hökmü çıxarılıb. Hökmdən narazı qalan Baş Prokurorluq apellyasiya protesti verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi