Mədət Quliyev: "DTX cinayətkarların, casusların məhv edilməsi ilə nəticələnən 4 əməliyyat keçirib"

Bakı. 12 dekabr. REPORT.AZ/ "Dövlət Təhlükəsizliyi Xidməti qısa müddət ərzində cinayətkarların, casusların məhv edilməsi ilə nəticələnən 4 əməliyyat keçirib".

"Report" xəbər verir ki, bunu jurnalistlərə açıqlamasında Dövlət Təhlükəsizliyi Xidmətinin (DTX) rəisi, general-leytenant Mədət Quliyev deyib. 

O bildirib ki, bu istiqamətdə Azərbaycanın xususi xidmət orqanları tək işləmir: "Biz digər dövlətlərin təhlükəsizlik xidməti orqanları ilə birgə işləyirik, onlarla məlumat mübadiləsi edirik. Əməkdaşlarımız cinayətkar dəstələrin üzvlərini saxlayarkən silahli müqavimətlərlə üzləşiblər və onların qarşısı qətiyyətlə alınıb".