Masallı. 5 iyul. REPORT.AZ/ Masallı rayonunda yük və minik maşınları toqquşub, nəticədə 6 nəfər xəsarət alıb.
"Report"un Cənub bürosunun verdiyi xəbərə görə, hadisə Ələt-Astara magistralının Masallı rayonunun Təzəkənd dairəsində baş verib.
"Shacman" markalı yük maşını "Mercedes" markalı minik maşını ilə toqquşub. İlkin məlumata görə, qəza nəticəsində "Mercedes" yoldan çıxaraq aşıb. Nəticədə minik maşınında olan 4 nəfər və yük maşınında olan 2 nəfər xəsarət alıb.
Yaralılar Masallı rayonunda xəstəxanaya yerləşdirilib.
Faktla bağlı araşdırma aparılır.