Masallıda maşın yoldan çıxaraq dərəyə düşüb, 4 nəfər yaralanıb - FOTO

Masallıda maşın yoldan çıxaraq dərəyə düşüb, 4 nəfər yaralanıb - FOTO Onlardan ikisinin vəziyyəti ağırdır
Hadisə
130
13 Aprel , 2018 01:52
Masallıda maşın yoldan çıxaraq dərəyə düşüb, 4 nəfər yaralanıb - FOTO
Report

Masallı. 13 aprel. REPORT.AZ/ Ələt-Astara magistral yolunun Masallı rayonu ərazisinə düşən 176-cı kilometrliyində 4 nəfərin xəsarət alması ilə nəticələnən yol-nəqliyyat hadisəsi baş verib.

"Report"un Cənub bürosu xəbər verir ki, "VAZ-2107" markalı "44-BT-038" dövlət qeydiyyat nişanlı avtomobil idarəetmədən çıxaraq yol kənarındakı beton maneəyə çırpılıb.

Ardınca yoldan çıxan maşın 2 metr çökəklikdə yerləşən ağaclıq ərazidə müxtəlif maneələrə dəyərək 20 metrə qədər hərəkət etdikdən sonra dayanıb. Nəticədə avtomaşında olan 4 nəfər Masallı rayon Kalinovka kənd sakini xəsarət alıb.

Yaralılar hadisə yerinə cəlb olunmuş Təcili və Təxirəsalınmaz Tibbi Yardım Stansiyasının həkimləri və ətrafdakı insanların köməkliyi ilə Masallı Rayon Mərkəzi Xəstəxanasına aparılıb.

Tibb müəssisəsindən verilən məlumata, ilkin müayinələrin nəticəsinə görə, yaralılardan ikisinin vəziyyəti ağır, digər ikisinin vəziyyəti isə nisbətən yüngüldür. Hələlik müayinələr davam edir.

Faktla bağlı araşdırma aparılır.

Son xəbərlər

Orphus sistemi