Masallı rayonunda bir nəfərin ölümü ilə nəticələnən yol-nəqliyyat hadisəsi baş verib.
“Report” un Cənub Mərkəzinin verdiyi xəbərə görə, hadisə rayonun Boradigah qəsəbəsi ərazisində qeydə alınıb.
Belə ki, “Mersedes”markalı avtomobil yolu keçmək istəyən 1988-ci il təvəllüdlü Elnur Nəhmət oğlu Zülfüqarovu vurub.
Ağır bədən xəsarətləri alan E. Zülfüqarov Lənkəran rayon Mərkəzi Xəstəxanasına aparılan zaman yolda keçinib.
Meyit müayinə olunmaq üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran şöbəsinə təhvil verilib.
Hadisənin baş vermə səbəbləri rayon prokurorluğu tərəfindən araşdırılır.