*** İlk xəbər 13:16-da dərc edilib
Masallı. 10 yanvar. REPORT.AZ/ Masallı rayon sakininə kustar üsulla hazırlanmış tapançadan atəş açılıb.
"Report"un Cənub bürosunun verdiyi xəbərə görə, Masallı rayonunun Yeyən kənd sakini, 36 yaşlı Xəqani Qədirov Masallı Rayon Mərkəzi (RMX) xəstəxanasına yerləşdirilib.
İnsident rayonun "İstisu" sanataroyasi yaxınlığında, Qəriblər kəndi ərazisində qeydə alınıb. İlkin məlumata görə, X.Qədirov iki nəfər Ərkivan qəsəbə sakinləri tərəfindən döyülüb və sonradan tapançadan atəş açılıb.
Hadisə iki tərəf arasında yaranan mübahisə zamanı baş verib.
Faktla bağlı Masallı Rayon Polis Şöbəsində (RPŞ) araşdırmalara başlanılıb.