Yuxarı

30 min manat ziyan çəkən sahibkar: "Marketim yandırılıb" - FOTO

Alovun qarşısı yanğınsöndürənlərin müdaxiləsindən sonra alınıb

Bakı. 28 yanvar. REPORT.AZ/ Bakıda mağazada yanğın olub. “Report”un məlumatına görə, Sabunçu rayonu Ramana qəsəbəsi, Samir Əliyev küçəsində Sevil Baxşəliyevaya məxsus 64 kvadrat metr sahəsi olan mağazada yanğın baş verib. Alovun qarşısı yanğınsöndürənlərin müdaxiləsindən sonra alınıb. Buna baxmayaraq, mağazanın sahibinə 30 min manata yaxın ziyan dəyib.

Mağaza sahibi bildirib ki, obyekt naməlum şəxslər tərəfindən bilərəkdən yandırılıb. Bu ehtimalın nə dərəcədə düzgün olub-olmadığı ərazidə müayinələr aparan polis və Fövqəladə Hallar Nazirliyinin əməkdaşlarının araşdırmalarından sonra məlum olacaq. Araşdırmaların gedişi və mağazaya quraşdırılan müşahidə kameralarının görüntülərinə baxılandan sonra bütün qaranlıq məqamlara aydınlıq gətiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi