Yuxarı

​Mağazadan oğurluq edən şəxs müşahidə kamerasına düşüb - FOTO

Sahibkara 4 min manatdan artıq ziyan dəyib

Bakı. 28 aprel. REPORT.AZ/ Ötən gecə Yeni Gəncə yaşayış massivində, Əbdül bəy Mehmandarov küçəsində Vüsal Zeynalova məxsus ərzaq mağazasından oğurluq edilib. 

“Report” xəbər verir ki, iki nəfər mağazanın arxasında pəncərədəki dəmir barmaqlıqları sındıraraq içəriyə daxil olub. Dükanda quraşdırılan müşahidə kamerasına həkk olunan oğurluq hadisəsində üzü maskalı şəxs əvvəlcə kassanın yanına gəlir və oradan 200 manat nağd pulu götürür. Daha sonra naməlum şəxs piştaxtalardan müxtəlif adda siqaretləri, energetik içkiləri, kolbasaları və bir neçə ərzaq məhsullarını selofan torbaya dolduraraq gəldiyi pəncərədən onu orda gözləyən yoldaşına ötürüb.

Səhər saatlarında dükanı açmağa gələn Vüsal Zeynalov içərinin dağınıq olduğunu və piştaxtalardan malların oğurlandığını görüb. Sahibkar dərhal Gəncə Şəhər Baş Polis İdarəsinə məlumat verib. Ərazidə araşdırma aparan polis əməkdaşları kimliyi hələlik istintaqa məlum olmayan oğruların axtarışlarını davam etdirir. Dükan sahibi oğurluq nəticəsində ona 4 min manatdan artıq ziyan dəydiyini bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi