Yuxarı
    Bağlamaq

    Lerikdə istirahət edərkən çayda boğulan gəncin meyti tapılıb - ƏLAVƏ OLUNUB

    Gəncin meyiti aidiyyəti üzrə təhvil verilib

    Lənkəran. 17 avqust. REPORT.AZ/ Lerik rayonu ərazisində çaya düşərək boğulan Lənkəran rayonunun Digah kənd sakini 18 yaşlı İsmayılov Mircavad Məhəmməd oğlunun meyti tapılıb. 

    "Report"un Cənub bürosunun məlumatına görə, gəncin meyiti aidiyyəti üzrə təhvil verilib.

    M.İsmayılov yeni ailə qurubmuş. 

    *** 

    Lənkəranlı gənc Lerik rayonunda istirahət edərkən çayda boğulub.

    "Report"un Cənub bürosu xəbər verir ki, hadisə Lənkəran-Lerik yolunun keçdiyi ərazidə (Lənkəran-Lerik yolunun 25-ci km-də, Sivəkəran kəndində) qeydə alınıb. Hələlik şəxsiyyəti dəqiqləşdirilməyən, Lənkəran sakini olduğu bildirilən şəxs yolun kənarındakı dərəyə enib. Orada təxminən 3 metr hündürlüyü olan şəlalənin aşağı hissəsində çimmək istəyib. 

    Yerli sakinlərin sözlərinə görə, həmin şəxs yaxınlıqdakı istirahət mərkəzlərindən birində yeyib-içdikdən sonra sərinlənmək üçün çaya girib. Burada isə çayda batıb. Həmin ərazidə çatın bəzi yerlərində dərinliyi 10 metrə qədərdir. 

    Hadisə ilə bağlı Fövqəladə Hallar Nazirliyinin (FHN) Cənub Regional Mərkəzinin dalğıc-xilasediciləri məlumatlandırılıblar. 

    Hazırda ərazidə axtarış aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi