Lənkəranda yol qəzası olub, xəsarət alanlar var

Lənkəran. 22 avqust. REPORT.AZ/ Lənkəran rayonunda yol-nəqliyyat hadisəsi baş verib.

"Report"un Cənub bürosunun məlumatına görə, hadisə rayonun Vel kəndi ərazisində qeydə alınıb. 

Belə ki, "VAZ-21011" və "Mercedes" markalı avtomobillər toqquşub. Nəticədə "Mercedes" markalı minik avtomobili zərbənin gücündən yol kənarındakı hasara çırpılıb, maşının sürücüsü, 1998-ci il təvəllüdlü Bakı şəhər sakini Nahid Teymur oğlu Hüseynzadə və 12 yaşlı sərnişini müxtəlif dərəcəli bədən xəsarətləri alıblar. Avtomobildəki digər ailə üzvləri isə xəsarət almayıblar. 

Faktla bağlı araşdırma aparılır.