Yuxarı
    Bağlamaq

    ​Lənkəranda yol qəzası baş verib, 5 nəfər xəsarət alıb

    Bir nəfərin vəziyyəti daha ağırdır

    Lənkəran. 23 iyun. REPORT.AZ/ Lənkəran rayonu, Liman şəhəri ərazisində 5 nəfərin xəsarət alması ilə nəticələnən yol-nəqliyyat hadisəsi baş verib.

    "Report"un Cənub bürosunun məlumatına görə, Liman-Nərimanabad yolu istiqamətində hərəkətdə olan "VAZ 21011" markalı "10-CZ-463" dövlət qeydiyyat nişanlı minik avtomobil qarşı tərəfdən gələn və hazırda istintaqa məlum olmayan nəqliyyat vasitəsi tərəfindən vurulub.

    Hadisə nəticəsində sürücü, 1996-cı il təvəllüdlü Cəlilabad rayon sakin Hüseynov Yavər şahin oğlu orta-ağır, sərnişinlər – Biləsuvar rayon sakinləri – Mirzəyev Mirxan Namiq oğlu ağır, 1993-cü il təvəllüdlü Abdulov Orxan Elşad oğlu orta-ağır, 1992-ci il təvəllüdlü Məmmədov Nurlan Əlihüseyn oğlu orta-ağır yaralanıb. Daha bir nəfərə ambulator yardım göstərilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi