Lənkəranda uşaq evinin sakinləri arasında bıçaqlanma olub

Lənkəran. 6 sentyabr. REPORT.AZ/ Axşam saatlarında Lənkəranda bıçaqlanma hadisəsi baş verib.

"Report"un Cənub bürosunun verdiyi məlumata görə, insident Osman Mirzəyev adına Qarışıq Tipli Uşaq Evində qeydə alınıb.

Uşaq evinin sakini olan 16 yaşlı Abdullayev Emil Tofiq oğlunun eyni tərbiyə müəssisəsində yaşayan Seyran adlı digər bir yoldaşı tərəfindən bıçaqlandığı söylənilir. Qarın nahiyəsindən kəsilmiş-deşilmiş yara alan E.Abdullayev dərhal Lənkəran Rayon Mərkəzi Xəstəxanasına çatdırılıb. Əməliyyat olunan yeniyetmənin vəziyyəti stabildir.

Hadisəni törətməkdə şübhəli bilinən digər yeniyetmə istintaqa cəlb edilib. İnsidentin hansı səbəbdən baş verdiyi barədə hələlik məlumat yoxdur.