Yuxarı

Lənkəranda ötən ay baş verən qəzada komaya düşən yeniyetmə xəstəxanada ölüb

Lənkəranda ötən ay baş verən qəzada komaya düşən yeniyetmə xəstəxanada ölüb
Tahir Ağazadə avqustun 16-dan Lənkəran Şəhər Mərkəzi Xəstəxanasının reanimasiya şöbəsində müalicə olunurdu

Lənkəran. 8 sentyabr. REPORT.AZ/ Lənkəranda ötən ay baş verən və 2 nəfərin ölümü, 5 nəfərin xəsarət almasına səbəb olan yol qəzasında komaya düşən 13 yaşlı Ağazadə Tacir Mahir oğlu dünyasını dəyişib.

"Report"un Cənub bürosu xəbər verir ki, o, avqustun 16-dan Lənkəran Şəhər Mərkəzi Xəstəxanasının reanimasiya şöbəsində müalicə olunurdu. 

Həkimlərin cəhdlərinə baxmayaraq, T.Ağazadənin həyatını xilas etmək mümkün olmayıb. 

Qeyd edək ki, hadisə avqustun 16-da Ələt-Astara magistralının Liman şəhəri ərazisində baş vermişdi.

Belə ki, iribuynuzlu heyvan yolda hərəkətdə olan 90-UE-171 dövlət nömrə nişanlı, "VAZ-2107" markalı avtomobilin yoluna çıxaraq qəzaya səbəb olub. Bu zaman sürücü avtomobilin hərəkət istiqamətini dəyişərək qarşıdan gələn, Astara rayon Sərək kənd sakini, Süleymanov Rüstəm Tarif oğlunun idarə etdiyi 90-LE-868 dövlət nömrə nişanlı, "Mercedes" markalı avtomobilin yoluna çıxıb. Nəticədə avtomobillər toqquşub.

Hadisə zamanı "VAZ-2107" markalı avtomobilin sürücüsü və bir sərnişini aldıqları xəsarətdən hadisə yerində ölüblər. Qəza zamanı "Mercedes"in sürücüsü Süleymanov Rüstəm Tarif oğlu, 1986-cı il təvəllüdlü Sumqayıt şəhər sakini Hüseynova Solmaz Malik qızı, 1984-cü il təvəllüdlü Sumqayıt şəhər sakini Mikayılova İradə, 2004-cü il təvəllüdlü Ağazadə Tacir Mahir oğlu və Lənkəran sakini Əlizadə Elmədddin Cabbar oğlu xəsarət alıblar. Yaralılar Lənkəran Şəhər Mərkəzi Xəstəxanasına yerləşdirilmişdi. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi