Yuxarı
    Bağlamaq

    Lənkəranda bıçaqlanma hadisəsi baş verib

    Faktla bağlı təhqiqat aparılır

    Bakı. 11 iyul. REPORT.AZ/ Lənkəranda bıçaqlanma hadisəsi olub."Report"un Cənub bürosu xəbər verir ki, hadisə Lənkəran rayonunun Nərimanabad qəsəbəsində baş verib. Ağstafa rayonunun Saloğlu qəsəbə sakini, bir neçə ildir Nərimanabad qəsəbəsində yaşayan 34 yaşlı Sultanov Nurlan Akif oğlu bıçaqlanıb.

    Lənkəran ŞRPŞ-dən hadisənin şəxsi mübahisə zəminində baş verdiyi bildirilir. Hadisə zamanı hər iki şəxs sərxoş vəziyyətdə olub. Adının Faiq olduğu bildirilən Nərimanabad qəsəbə sakini N.Sultanova bıçaq zərbələri endirib. Yaralı yaxınlarının köməyi ilə Lənkəran Rayon Mərkəzi Xəstəxanasına çatdırılıb, üzərində əməliyyat aparılıb, vəziyyəti normaldır.

    Hadisəni törədən şəxsi kimliyinin dəqiqləşdirilməsi və saxlanması istiqamətində tədbirlər görülür.

    Faktla bağlı təhqiqat aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi